Afmæliskylfingar dagsins: Anna Katrín Sverrisdóttir og Dave Stockton – 2. nóvember 2021

Afmæliskyfingar dagsins eru tveir: Anna Katrín Sverrisdóttir og Dave Stockton.

Dave Knapp Stockton fæddist 2. nóvember 1941 í San Bernardino, Kaliforníu og á því 80 ára merkisafmæli í dag. Hann gerðist atvinnumaður í golfi 1964 eftir veru í University of Southern Californía. Hann á að baki 25 sigra sem atvinnumaður, þar af 10 á PGA Tour. Stockton hefir tvívegis sigrað á risamótum, þ.e. PGA Championship árin 1970 og 1976. Árangur hans í öðrum risamótum er líka góður hann deildi t.a.m. 2. sætinu á Masters 1974 og Opna bandaríska 1978.

Stockton hefir spilað á Seniors Tour (nú Champions Tour) frá árinu 1991 og sigrað þar 14 sinnum.

Stockton var í Ryder Cup liði Bandaríkjanna 1971 og 1977. Hann var fyrirliði sigurliðs Bandaríkjanna í Ryder Cup 1991, þegar mótið fór fram á Kiawah Island.

Á ferli sínum hefir Stockton þótt meðal þeirra allra bestu í stutta spilinu og þá helst púttunum. Hann skrifaði m.a. frábæra kennslubók um pútt: „Dave Stockton’s Putt to Win“.

Kennslumyndband Stocktons – byggt á púttkennslubókinni hans vinsælu „Putt to Win“

Dave er kvæntur fegurðardrottningunni Katherine Hales (Orange Show) og eiga þau 2 syni sem báðir eru atvinnukylfingar, Dave Jr. og Ron.

Til þess að sjá kennslumyndskeið þar sem afmæliskylfingurinn okkar kennir okkur að pútta smellið HÉR:

Til þess að sjá kennslumyndskeið þar sem afmæliskylfingurinn okkar kennir okkur að chippa smellið HÉR:

Anna Katrín Sverrisdóttir er fædd 2. nóvember 1991 og á því 30 ára stórafmæli í dag.

Komast má á facebook síðu afmæliskylfingsins til þess að óska henni til hamingju með afmælið hér að neðan:

Anna Katrín Sverrisdóttir – Innilega til hamingju með 30 ára stórafmælið!!!

Aðrir frægir kylfingar sem eiga afmæli í dag eru: Isette Pearson; f. 2. nóvember 1861 – d. 25. maí 1941; Dave Stockton, 2. nóvember 1941 (80 ára); Karitas Sigurvinsdóttir, GS, 2. nóvember 1963 (58 ára); Anna Katrín Sverrisdóttir, 2. nóvember 1991 (30 ára) ….. og ……

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.