Ragnheiður Jónsdóttir | nóvember. 8. 2013 | 12:00

Afmæliskylfingar dagsins: Dagný Marín og Heiðar Davíð – 8. nóvember 2013

Afmæliskylfingar dagsins eru tveir Dagný Marín Sigmarsdóttir og Heiðar Davíð Bragason. Dagný er fædd 8. nóvember 1962 og á því 51 árs afmæli í dag!!! Heiðar Davíð er fæddur 8. nóvember 1977 og því 36 ára í dag.

Dagný Marín er klúbbmeistari Golfklúbbs Skagastrandar 2012. Hún vinnur við Spákonuhof á Skagaströnd og á 3 börn: Sonju, Sverri og Sigurbjörgu.

Heiðar Davíð er golfkennnari við Golfklúbbinn Hamar á Dalvík (GHD). Hann er tvöfaldur klúbbmeistari í ár 2013 þ.e. bæði klúbbmeistari Golfklúbbs Ólafsfjarðar og Golfklúbbsins Hamars á Dalvík. Auk framangreinds hefir Heiðar Davíð  gert ýmislegt og unnið marga aðra sigra í golfíþróttinni. Sem dæmi mætti nefna að hann keppti á danska Scanplan túrnum 2007 og EDP-mótaröðinni 2008. Hann sigraði í Einvíginu á Nesinu 2008. Eins er eftirminnilegt þegar Heiðar Davíð setti glæsilegt vallarmet á Vatnahverfisvelli á 25 ára afmælismóti Golfklúbbsins Óss á Blönduósi árið 2010; spilaði völlinn á -5 undir pari, 65 höggum. Vallarmetið stendur enn. Hann varð stigameistari á Norðurlandsmótaröðinni 2010 og er auk framangreindss klúbbmeistari GHD 2009, 2010 og 2011. Heiðar Davíð er kvæntur Guðríði Sveinsdóttur og eiga þau einn son.

Komast má á facebook síðu afmæliskylfinganna til þess að óska þeim til hamingju með daginn hér að neðan:

Aðrir frægir kylfingar sem eiga afmæli í dag eru:  Beverly Klass, 8. nóvember 1956 (57 ára);  Thongchai Jaidee, 8. nóvember 1969 (44 ára); Francesco Molinari, 8. nóvember 1982 (31 árs); Kathleen Ekey, 8. nóvember 1986 (27 ára) – spilar á LPGA –  ….. og …..

Coralie Cicuto (28 ára)
Helgi Snorrason (62 ára)

Toshiki Toma (55 ára)

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is