Ætti Tiger að hætta á Masters?

Svo sem fjallað hefir verið um á öllum golffréttamiðlum í dag breytti mótanefnd The Masters frávísunarvíti sem vofði yfir Tiger í 2 högga víti og hann er að fara að tía upp núna, er í þessum skrifuðu orðum á æfingasvæðinu að hita upp.

Tiger á rástíma eftir 45 mínútur (kl. 13.45 að staðartíma og kl. 17:45 hér á Íslandi).

Mörgum finnst að Tiger eigi þó hann megi fyrir náð nefndarinnar halda áfram í mótinu segja sig frá því, því atvikið á 15. braut verði alltaf umdeilt.  Meðal þeirra sem svo telja er Sir Nick Faldo og golfsjónvarpsþáttastjórnandinn Feherty.

En af hverju ætti Tiger að hætta? Regla 33-7 sem Nefndin  beitti er allt eins mikill hluti af golfreglum og reglur 6-6d og 26-1a sem Tiger braut gegn!  Af hverju ætti Tiger eina mínútu að sýna Nefndinni þá vanvirðu að hætta?

Við hér á Golf 1 hlökkum, eins og væntanlega mörgum öðrum til þess að horfa á Tiger spila…..