Adam Scott
Ragnheiður Jónsdóttir | mars. 19. 2013 | 11:00

Adam Scott undirbýr sig af krafti fyrir Masters

Adam Scott og risamót? Flestum kemur í hug hrun hans, þegar hann fékk 4 skolla á síðustu 4 holum Opna breska 2012 og Ernie Els stal sigrinum.

„Það dró aðeins úr sársaukanum að Els er góður vinur minn þannig að ég fann til nokkurrar gleði hans vegna,“ sagði Scott um sigur Els á Opna.

En nú er Adam Scott að undirbúa sig af krafti fyrir The Masters, en nú styttist sífellt meir í þetta risamót allra risamóta.

Á Augusta National var það líka í fyrsta skiptið sem Scott barðist af alvöru fyrir fyrsta risatitli sínum, sem hann hefir til dagsins í dag ekki náð. Á Masters árið 2011 var hann um stund í forystu á sunnudeginum, en varð að lokum að skrifa upp á skorkort upp á 67 og horfa upp á Charl Schwartzel fá fugla á síðustu 2 holurnar og sigra með 2 högga mun á sig.

„Ég er bara að reyna að koma jafnvægi á leikinn minn, á það sem ég hef á tilfinningunni hverju sinni þegar ég er í keppnisskapi,“ sagði Scott.  „Það hefir ekkert upp á sig að fara bara að spila í móti til þess að spila í móti. Ég reyni að fara og spila vel í hverri viku en stundum verð ég að fara heim og æfa til þess að ég verði betri og geti komið aftur samkeppnishæfari,“ sagði Adam Scott.