Matthew Guyatt leiðir á Talisker Masters eftir 1. dag – Adam Scott í 2. sæti

Ástralinn Matthew Guyatt leiðir á Talisker Australian Masters sem hófst fyrr í morgun hinum meginn á hnettinum. Hann kom í hús á 7 undir pari, 65 höggum; fékk 8 fugla og 1 skolla.

Adam Scott er í 2. sæti eftir 1. dag, fékk fugla á seinni 9 og lauk hringnum á 5 undir pari, 67 höggum Scott byrjaði á 10. holu og var á parinu eftir fyrri 9 (þ.e. seinni 9 á vellinum, Kingston Heath) en fékk síðan 4 fugla í röð og bætti einum við á 7. holu. Hann deilir 2. sætinu með landa sínum, Michael Landry og Ryder Cup hetju evrópska liðsins Ian Poulter, sem á titil að verja.

Sex ástralskir kylfingar deila síðan 5. sætinu þ.á.m. Peter O’Malley , en allir eru þeir á 4 undir pari, 68 höggum.

Graeme McDowell, sigurvegari Opna bandaríska risamótsins 2010 kom í hús í morgun  á 1 undir pari, 71 höggi og deilir 20. sætinu ásamt 14 öðrum kylfingum.

Til þess að sjá stöðuna á Australian Masters eftir 1. dag SMELLIÐ HÉR: