24 tókst að ljúka leik á 35+ á 2. degi

Veðrið lék aðalhlutverk á Íslandsmóti 35 ára og eldri í Vestmannaeyjum í dag.

Strax í morgun var ræsingu frestað vegna veðurs, fyrst til kl 12:00 og svo til kl 14:00.

Kylfingar voru ræstir út á fyrsta og tíunda teig kl 14:00 en verður hafði lagast til muna frá því um morguninn.

Allt gekk vel í fyrstu eða þangað til þokan tók öll völd á vellinum sem varð til þess að mótstjórn stöðvaði leik enda skyggni ekkert.

Nokkur holl höfðu þegar klárað að spila, alls 24 kylfingar og stendur skor þeirra eftir daginn; þeir kylfingar sem áttu eftir að klára (72)  hefja leik að nýju kl 7:00 í fyrramálið.

Rástímar fyrir þriðja og síðasta hring verða birtir strax og öðrum hring lýkur í fyrramálið.