Ragnheiður Jónsdóttir | júlí. 15. 2014 | 01:00

Arnór Snær og Ólöf María taka þátt í The Junior Open

Arnór Snær Guðmundsson og Ólöf María Einarsdóttir Golfklúbbnum Hamri Dalvík taka nú þátt í Junior Open á West Lancashire golfvellinum, en mótið er haldið á vegum R&A í sömu viku og The Open.

West Lancashire er rétt norðan við Royal Liverpool eða Hoylake eins og völlurinn er oftast nefndur. West Lancashire er ekki ósvipaður Hoylake og hefur völlurinn oft verið vettvangur úrtökumóta fyrir The Open og eins hefur Amateur Championship verið haldið á vellinum, en Matteo Mannasero vann einmitt Amateur Championship 2009 og á vallarmetið á vellinum, 65 högg.

Í dag leika 122 kylfingar frá 73 löndum á The Junior Open og hafa aldrei fleiri þjóðir tekið þátt í þessu móti. Junior Open er fyrir kylfinga 16 ára og yngri og er leikið í einum flokki. Arnór og Ólöf komu bæði inn á 81 höggi á 1. degi og eru í 35.-41. sæti. Leiknar verða 54 holur og komast 80 bestu kylfingarnir áfram að loknum 36 holum.

Þau léku bæði vel í dag miðað við aðstæður en nokkuð mikil vindur var í dag og erfitt að halda boltanum á braut. Ef boltinn fór útí kargann, þá var hann annað hvort týndur eða ósláanlegur.

Til að stöðuna eftir 1. dag The Junior Open SMELLIÐ HÉR: 

10522437_927185020641152_4004002694841448695_n