PGA: Tiger líður vel með 1. hring sinn á Quiken Loans

Tiger Woods lék í fyrsta sinn í gær á Quicken Loans mótinu og sagðist að hring loknum vera ánægður og að sér liði vel með hring sinn.

Tiger var í ráshóp með nr. 6 og 9 á heimslistanum þ.e. Jason Day og Jordan Spieth.

Tiger jafnvel grínaðist með að þeir þrír hefðu allir verið að ströggla og voru m.a. á 4 yfir pari, eftir fyrstu 9 holurnar.  Jordan Spieth tók undir það og sagði að sér hefði virtst sem lok væri á öllum holunum.

Leikur Tiger skánaði síðan eftir því sem leið á hringinn og hann líktist jafnvel „gamla góða Tigernum“ þegar hann fékk 3 fugla á síðustu 6 holunum.

„Bakið á mér er fínt,“ sagði ánægður Tiger eftir fyrsta hringinn sinn í lengri tíma. „Það var bara ekkert að því. Engir kippir eða neitt. Mér leið frábærlega… ég var að slá býsna fast þarna úti.“

„Ég held að erfiðasti parturinn hafi verið að ná ritmanum í því að vera að keppa aftur,“ sagði Tiger.  „Maður spilar við félagana og leggur smávegis undir en þetta er ekki það sama, þetta er keppnisgolf og á allt öðru stigi.“

„Adrenalínið flæddi og ég sló boltann lengra en ég geri heima. Maður var að reyna að ná skorinu, reyna að ná tilfinningunni. Það gerðist ekki fyrr en um miðbik fyrri 9 hjá mér.“

Það er áhugavert að sjá hvernig Tiger gengur í kvöld!