Hvað er heitt og hvað afleitt?

Nú í sumar verður farið af stað með nýjan greinarflokk hér á  Golf 1 sem ber heitið „Hvað er heitt og hvað afleitt?“ sem er í raun bein þýðing og stæling á sambærilegum greinaflokki hjá CBSsports.com, sem heitir þar „What´s hot and what not … on the PGA tour.“

Á CBS er alltaf getið um 5 atriði (kylfinga, atburði, eitthvað innan golfheimsins), sem þykja hafa skarað fram úr í vikunni áður en greinin birtist og er þ.a.l. heitt og að sama skapi eitthvað sem var afleitt í vikunni þar á undan.

Í hinum íslenska greinaflokki er ekkert loforð gefið um fjölda þess sem er heitt eða afleitt að öðru leyti en því að alltaf er a.m.k. nefnt 1 atriði af hvoru og í mesta lagi 5 eins og á CBS.   Haldið er sömu röð og hjá CBS – það sem er nr. 1 er heitast og síðan volgnar niður listann.  Alveg eins með það sem er afleitt – það sem er frámunalega afleitt er í 1. sæti og síðan skánar eftir því sem fer niður listann.

Heitt/afleitt grein kemur nú í sumar alltaf til með að birtast á mánudögum, en þessi grein er undantekning þ.e. birtist á miðvikudegi vegna 17. júní.

Hér fer þriðji alíslenski „Hot“ listinn fyrir vikuna 11.-18 júní (Listinn gildir til mánudagsins 23. júní)

1. Sunna Víðisdóttir, GR. Sunna er fyrsti íslenski kvenkylfingurinn til þess að toppa hot-listann. Ástæðan er frábær árangur Sunnu á Eimskipsmótaröðinni en hún er búin að sigra í 2 af 7 mótum mótaraðarinnar; fyrsta mótinu þ.e. Nettó-mótinu á Hólmsvelli í Leiru og nú um helgina á Hamarsvelli í Borgarnesi. Sunna hefir líka staðið sig frábærlega í bandaríska háskólagolfinu og er í því sambandi skemmst að minnast glæsilegs sigurs hennar í William & Mary Invitational mótinu, og 2. sætinu sem hún náði á Seahawk Classic mótinu.  Frábær kylfingur þar sem Sunna er annars vegar.

2. Þórður Rafn Gissurarson, GR.  Glæsilegt hjá Þórði Rafni að ná 6. sætinu á CEEVEE Leather mótinu á EPD mótaröðinni!!!

3. Birgir Leifur Hafþórsson, GKG.  Birgir Leifur sýndi og sannaði á Hamarsvelli í Borgarnesi s.l. helgi að hann er besti kylfingur landisins, en það var fyrsta mótið sem hann tók þátt í, í ár hérlendis. Hann var á besta skorinu 5 undir pari! Spurning hvort Birgir Leifur eigi heima á lista sem þessum og það í þriðja sæti því hann er jú einfaldlega bestur!!!  Þriðja sætið skýrist eiginlega bara á lítilli mótaþátttöku hans, hér á landi.

4. Andri Þór Björnsson, GR  og Haraldur Franklín Magnús, GR eru að gera góða hluti á Opna breska áhugamannamótinu.

5. Hamarsvöllur í Borgarnesi. Fallegur og í góðu standi.  Frábær völlur í alla staði!!!

Það sem er afleitt er eftirfarandi: (Listinn gildir til mánudagsins 23. júní):

1) Veðrið – Á Eimskipsmótaröðinni í Borgarnesi s.l. helgi var  e.t.v. skásta veðrið til þessa, en á öllum 3 mótunum hefir það verið leiðinlegt – súld eða rigning.  Hvenær fá okkar bestu kylfingar að spila í góðu veðri?  17. júní veðrið var líka hræðilegt hér sunnanlands og kylfingar sem þátt tóku í opnu mótunum niðurrigndir.  Afleitt!!!

2) Heimsmeistarakeppnin í fótbolta.  Af hverju þarf hún að vera á sama tíma og Opna bandaríska og mót á Eimskipsmótaröðinni?  Þetta eru í raun frábærir atburðir allt, en þarf þetta allt að vera á sama tíma? Tímafrekt að fylgjast með öllu, sem er afleitt.

3) Enginn kvenkylfingslæknir í Læknagolfi?  Hvar var Ásgerður?  En burt séð frá henni eru margir frábærir kvenkylfingar í læknastétt – Fjölmenna næst!!!