US Open 2014: Kaymer leiðir e. 1. dag

Þýski kylfingurinn Martin Kaymer hefir tekið 3 högga forystu á Opna bandaríska, 2. risamóti ársins, sem hófst í Pinehurst, Norður-Karólínu í dag.

Kaymer átti glæsihring upp á 5 undir pari, 65 högg, fékk 6 fugla og 1 skolla á hringnum.

Í 2. sæti 3 höggum á eftir Kaymer eru þeir Kevin Na, Brendon de Jonge og Graeme McDowell; allir á 2 undir pari, 68 höggum.

Hópur 11 kylfinga deilir síðan 5. sætinu, allir á 1 undir pari, 69 höggum en þeirra á meðal eru Henrik Stenson, Matt Kuchar, Jordan Spieth og Dustin Johnson.

Phil Mickelson byrjar ágætlega er á sléttu pari, 70 höggum, en Mickelson hefir s.s. kunnugt er orðið 6 sinnum í 2. sæti á Opna bandaríska og á alveg eftir að sigra í því risamóti.  Í fyrsta sinn sem hann varð í 2. sæti á Opna bandaríska var fyrir 15 árum. Margir fylgjast spenntir með hvort Mickelson takist að loks að sigra?

Til þess að sjá stöðuna eftir 1. dag Opna bandaríska SMELLIÐ HÉR: