PGA: Adam Scott sigraði á Crowne Plaza – Hápunktar 4. dags

Adam Scott sýndi svo sannarlega styrk sinn og hver er nr. 1 á heimslistanum þegar hann bar sigurorð af samkeppni sinni, bandaríska kylfingnum Jason Dufner í bráðabana, á Crowne Plaza, sunnudaginn 25. maí 2014.

Báðir voru jafnir eftir hefðbundinn 72 holu leik, höfðu leikið Colonial, í Fort Worth, Texas á samtals 9 undir pari, 271 höggi; Scott (71 68 66 66) og Dufner (67 69 69 66).

Það varð því að koma til bráðabana og voru 18. og 17. holan spilaðar til skiptis.  Á fyrstu holu (18. holunni) voru báðir á pari; á næstu holu (17. holunni) voru báðir með fugl og loks réðust úrslitin þegar 18. var spiluð aftur en þá fékk Scott fugl en Dufner beið lægri hlut; var á parinu.

Þriðja sætinu deildu þeir Freddie Jacobson og Nicholas Thompson á samtals 8 undir pari, hvor og 5. sætinu deildu 5 kylfingar sem allir voru á 7 undir pari, hver: David Toms, Ryan Palmer, David Lingmerth, Brendon Todd og John Senden.

Til þess að sjá lokastöðuna á Crowne Plaza SMELLIÐ HÉR: 

Til þess að sjá hápunkta 4. dags á Crowne Plaza SMELLIÐ HÉR: