LPGA: Lee og Lewis leiða fyrir lokahringinn í Texas

Það eru Meena Lee frá Suður-Kóreu og fyrrum nr. 1 á Rolex-heimslista kvenna, Stacy Lewis,  sem eru í efsta sæti á North Texas LPGA Shootout Presented by JTBC.

Báðar eru þær Lee og Lewis búnar að spila á samtals 9 undir pari, 204 höggum.

Lewis var með 3 fugla og 1 skolla í hring sínum upp á 69 og var komin í 9 undir par á par-4 12. holu. Það var ekki fyrr en á 14. holu þegar Lee fékk skolla að þær voru jafnar.

„Þetta var pirrandi“ sagði Lewis. „Ég var að slá boltann virkilega, virkliega vel í dag og gaf sjálfri mér fullt af tækifærum og hitti fullt af góðum púttum Veistu suma daga fara þeir í,  aðra daga ekki.  En ég hlakka til morgundagsins (þ.e. lokadagsins í dag) til þess að sjá hversu sólíd slátturinn hjá mér verður . Það verður svo sannarlega „shootout“ á morgun!“

M.ö.o. Lewis lofar hörkukeppni!

Lewis hefir í ótal mótum verið í forystu fyrir lokahringinn en glutrað henni (forystunni) síðan niður og lokaholunum.

„Ég hef komið mér í þessa stöðu svo oft (þ.e. að vera í forystu) þannig að það er að verða að vana sem er fínt,“ sagði Lewis en tjáði sig síðan ekkert um að í kjölfarið missir hún forystuna.  Það verður spennandi að fylgjast með hvort henni tekst nú loks að vinna í kvöld en hún hefir ekki sigrað í móti fyrr en síðast á Ricoh Women´s British Open risamóti kvenna í fyrra.

Síðast sigur Meenu Lee á LPGA var 2006 þ.e. fyrir 8 árum síðan á Fields Open í Hawaii, sbr.:

„Minn síðasti (sigur) kom 2006,“ sagði Lee.  „Það er svolítið síðan.  Ég er mjög spennt og svolítið stressuð en ég nýt virkilega stundarinnar.“

„Norska frænka okkar“ Suzann Pettersen var á 3 undir pari, 68 höggum á 3. hring með 4 fugla og skolla og staðsetti sig vel í 3. sætið , aðeins 1 höggi á eftir Lee og Lewis.  Hún ætlar svo sannarlega að berjast til sigurs en sagðist telja að skor hennar yrði að vera mjög lágt í dag til þess að það tækist! Suzanne er sem stendur nr. 4 á heimslista kvenna (á eftir nr. 1 Inbee Park; nr. 2 Lydiu Ko og nr. 3 Stacy Lewis).

Aðrar sem deila 2. sætinu með Pettersen eru þær Dori Carter(í 188. sæti á Rolex-heimslistanum) – frá Bandaríkjunum og Julieta Granada, (nr. 75 á Rolex-heimslistanum)  frá Paraguay, líka aðeins 1 höggi á eftir forystukonunum. Báðar mæta eflaust grimmar til leiks, enda á höttunum eftir 1. sigri sínum á LPGA.

Það stefnir því í æsispennandi baráttu  í kvöld í kvennagolfinu!

Til þess að sjá heildarstöðuna á North Texas LPGA Shootout Presented by JTBC eftir 3. dag SMELLIÐ HÉR: