Nýju strákarnir á PGA Tour 2014 (efstu 25 af peningalista Web.com): Kevin Foley (2/25)

Efstu 25 af peningalista Web.com Tour hlutu kortin sín á PGA Tour. Í dag verður kynntur sá, sem varð í 24. sæti, en það er Kevin Foley.

Foley lék eins og efstu 25 af peningalista Web.com Tour á Web.com Tour Finals, um stöðu og varð hann í 47. sæti og hlaut ekki aukinn status við að taka þátt í því móti. Í báðum tilvikum rétt slapp hann inn á Web.com Tour og hefir ekkert gengið sérlega vel frá upphafi 2013-2014 tímabilsins, þ.e. október á s.l. ári.

Kevin Foley er fæddur 24. maí 1987 í New Brunswick, New Jersey og er því 26 ára. Kevin er sá yngsti af 8 systkinum og á m.a. 5 bræður.  Hann byrjaði með bræðrum sínum og föður í golfi.

Kevin útskrifaðist frá Penn State 2010 þ.e. fyrir 4 árum með gráðu í hagfræði. Sama ár og hann útskrifaðist gerðist hann atvinnumaður í golfi.

Meðal hápunkta meðan hann var áhugamaður var sigur hans á Sunnehanna Amateur, 2009 og sigur hans á New Jersey State Open.

Sem atvinnumaður spilaði hann fyrst á Web.com árið 2012 en varð í 52. sæti á peningalistanum.

Árið 2013 vann hann fyrsta mótið á Web.com þ.e Panama Claro Championship. Sigurinn í því móti átti stærstan þátt í því að Foley varð í 24. sætinu á peningalistanum og komst á PGA Tour keppnistímabilið 2013-2014.

Uppáhaldslið hans utan golfsins eru  Penn State, the New York Yankees og the New York Giants.

Uppáhaldssjónvarpsþættir eru „Entourage“ og „Eastbound & Down,“ og uppáhaldskvikmyndin er „Old School.“.

Það sem hann myndi langa til að gera er að læra fallhlífarstökk og hvernig eigi að sigla á seglbretti.

Einn af bræðrum hans náði draumahögginu eitt sinn og fékk  $50,000.

Uppáhaldstónlist Kevin Foley er allt með hljómsveitinni  The Sweet Mack.

Kevin Foley er mikill aðdáandi Michael Jordan.

Nokkrir uppáhaldsvalla hans eru Oakmont CC, Merion GC, Bethpage Black og the Garden City Men’s Club.  Hann myndi elska að fá tækifæri til að spila á St. Andrews.