Hver er kylfingurinn: Lee Westwood (2/4)

Atvinnumannsferill Lee Westwood
Árið 1996 vann Westwood fyrsta atvinnumannsmót sitt þ.e. Volvo Scandinavian Masters og síðan Sumitomo VISA Taiheiyo Masters í Japan. Velgengni hans hélt áfram árið 1997, þar sem hann varði japanska titilinn sinn og sigraði á Malaysian Maybank Open, Volvo Masters á Spáni og  Holden Australian Open, þar sem hann vann Greg Norman í umspili. Hann var einnig félagi Nick Faldo í Ryder Cup á þessu ári.

Westwood hefir sigrað í 22 mótum á  Evrópumótaröðinni og hefir líka sigrað í mótum í Norður-Ameríku, Afríku, Asíu og Ástralíu. Árangursríkasta ár hans til þessa hefir verið árið 2000 þegar hann vann 7 mót um allan heim og var í 1. sæti í Evropu og batt þar með enda á einokun Colin  Montgomerie á toppnum.

Westwood tók langa pásu frá leiknum eftir að sonur hans Samuel Bevan fæddist árið 2001 og saman með David Leadbetter vann hann í sveiflu sinni þar til hann vann 25. alþjóðlega mót sitt 2003 í Þýskalandi.

Lee Westwood ásamt syni sínum Samuel Bevan í par-3 mótinu á Masters

Westwood vann síðan ekki aftur fyrr en 2007 þegar hann sigraði á Valle Romano Open de Andalucia og the Quinn Direct British Masters, en þá voru sigrar hans á Evrópumótaröðinni samtals 18. Þetta varð til þess að hann var aftur meðal efstur 50 á heimslistanum. Westwood lauk 2007 keppnistímabilinu með 5 topp 10 áröngrum í síðustu 5 mótunum.  Hann var í sama góða forminu 2008 keppnistímabilið þegar hann hóf árið á því að verða 2 sinnum T-2 og í 5. sæti og var síðan aftur meðal estu 20 á heimslistanum. Á the Masters lauk Westy keppni T-11 og rétt missti af því að verða fyrsti Evrópubúinn í 38 ár til þess að sigra Opna bandaríska risamótið, en hann lauk keppni í 3. sæti á samtals pari.

Árið  2009 átti Westwood enn 2 3. sætis árangra í risamótum, annars vegar á Opna breska og hins vegar  PGA Championship. Í október 2009, lauk 2 ára bið Westwood eftir sigri þegar hann vann Portugal Masters.  Næsta mánuð sigraði hann á Dubai World Championship og vann hann þar með fyrsta Race to Dubai titilinn.

Lee sigraði á Dubai World Championship 2009

Westwood spilaði í góðgerðarmótum Gary Player Invitational mörgum sinnum til þess að aðstoða Player til þess að afla fjár fyrir þurfandi börn um allan heim.

Westwood varð í 2. sæti á Masters risamótinu 2010 og var í forystu fyrir lokadaginn þ.e. átti 1 högg á þann sem var í næsta sætinu.  Phil Mickelson sigraði á Masters það árið.  Viku fyrir Opna bandaríska sigraði Westwood í 2. sinn á PGA Tour þegar hann vann St. Jude Classic. Þetta ár 2010 varð Westy í 2. sinn í 2. sæti á Opna breska á eftir Louis Oosthuizen. Westy varð tvisvar í 2. sæti í 2 af 3 fyrstu risamótum ársins en Westy keppti síðan ekki á því fjórða þ.e PGA Championship vegna meiðsla.

Í maí 2011 keppti Westwood í BMW PGA Championship með landa sínum sem þá var á góðri leið með að verða  nr. 1 á heimslistanum, Luke Donald.  Á par-5 18. holunni hitti Donald aðhögg sitt á flöt og átti eftir 2 metra fyrir fugli.  Westwood reyndi að elta hann og vera nálægt pinna en fékk of mikið bakspinn á boltann, sem rann út í vatnshindrun. Westwood sló frá droppsvæðinu og fékk skramba. Donald fékk fugl og sigraði í mótinu og varð nýr nr. 1 á heimslistanum við það.

Í júní 2011 jafnaði Westwood besta árangur sinn á Opna bandaríska þegar hann varð T-3 á Congressional CC, móti sem Rory hafði í höndinni á sér og sló hvert mótsmetið á fætur öðru. Þetta var í 4. sinn á ferli sínum sem Westy varð að sætti sig við 3. sætið í risamóti.

Í desember 2011, var Westy á lægsta hring ferils síns, 60 höggum á  Thailand Golf Championship.  Hann fylgdi þessu frábæra skori eftir með hring upp á 64 höggum og jafnaði lægsta 36 holu skor á Asíutúrnum og vann mótið með 7 höggum.