PGA: Tiger á 79 höggum – spilar ekki á sunnudag

Nr. 1 á heimslistanum, Tiger Woods, byrjar árið 2014 illa.

Hann var við keppni á Farmers Insurance Open á Torrey Pines, í  La Jolla, Kaliforíu, en spilaði 7 holur á 9 yfir pari og lauk 3. hring nú rétt í þessu á 79 höggum – sem er hæsta skor hans á Torrey Pines og munar 2 höggum á næstversta skori hans.

Þetta leiðir til þess að hann nær ekki niðurskurðinum eftir 54 holur í fyrsta sinn á ferlinum.

Þegar Tiger kláraði nú áðan var aðeins Michael Block á verra skori á hann af þeim 81 sem keppa á 3 hring Farmers Insurance mótsins.

Eftir 54 holur verður skorið niður í 70 keppendur og verður Tiger eftir frammistöðuna í kvöld langlíklegast ekki þar á meðal.

Tiger neitaði að tala við fréttamann eftir hringinn slæma.

Það er þó bót í máli að þetta telur ekki sem niðurskurður sem ekki náðist því Tiger náði niðurskurðinum eftir 36 holur.  Hann hefir því enn aðeins ekki náð niðurskurði í 9 skipti á ferlinum.

Tiger hefir sigrað 8 sinnum á Torrey Pines, þ.á.m. 2008 þegar hann sigraði Opna bandaríska.  Í kvöld hitti hann aðeins 6 brautir, 7 flatir og þarfnaðist 29 pútta.  Hann lauk hringjunum þremur á 6 yfir pari, 222 höggum

Í þeim 13 skiptum sem Tiger hefir spilað í mótinu hefir hann aðeins 1 sinni verið neðar en í 10. sæti en það var árið 2011, þegar hann var meiddur og deildi 44. sætinu með öðrum kylfingum. Aðeins þrisvar sinnum í 53 hringjum hefir hann verið á skori sem er yfir pari.   Versta skor hans fram að þessu var 2. hringur hans í mótinu 2002, þegar hann var með 77 högg.

Reyndar var Tiger 1 undir pari eftir daginn, þegar hann kom að par-5 18. holu Torrey Pines, þ.e.a.s. 9. holunni á hring sínum (en Tiger byrjaði hringinn á 10. teig). Hann sló 2. högg sitt í vatnshindrum, setti 4. högg sitt í sandglompu og lauk við holuna með skramba. Hann missti 2 frekari högg á 1. holunni (þ.e. 10. holu sinni á hringnum) eftir að hann þrípúttaði í 2. sinn á hringum, en þetta er í fyrsta sinn síðan í PGA 2011 sem hann fær tvo skramba í röð.

Eftir þennan hrylling fékk Tiger 5 skolla í röð áður en hann setti loks niður 2 metra fuglapútt á 7. holu (16. holu sinni á hringum) og chippaði fyrir pari á 8. holu (þ.e. 17. holu hrings hans). Hann náði síðan 3 metra pútti á 9. flöt til þess að halda sér á 70 og eitthvað (Guði sé lof fór skor hans þó ekki í 80, sem hefði verið enn annað met hans í kvöld í slæmu spili).

Þetta er vestra skor hans síðan á 3. hring á Memorial á síðasta ári en þá var hann á 79 höggum og þetta jafnaði næstversta skor hans sem atvinnumaður (en versta skor hans eru 81 högg á Opna breska 2002).

Aumingja Tiger! En hann flýgur þeim næst til Dubai, þar sem hann tekur þátt í móti næstu viku á Evrópumótaröðinni, þ.e. Dubai Desert Classic. Vonandi verður hann búinn að jafna sig fyrir þann tíma!!!