Paulina Gretzky í nýrri TaylorMade auglýsingu

Paulina Gretzky, kærasta bandaríska kylfingsins DJ (Dustin Johnson)  er með aldeilis hreint fína golfsveiflu  sem hún þakkar DJ fyrir.

Þetta barst til eyrna TaylorMade golfvöruframleiðandans, sem DJ er með auglýsingasamning við og nú er verið að taka upp nýja TaylorMade auglýsingu með Gretzky í aðalhlutverki.

Það er reyndar enn allt á huldu um alla nánari útfærslu á hlutverki hennar í auglýsingunni.  Kemur hún til með að sýna okkur golfsveiflu sína? Verður DJ með henni í auglýsingunni?

Það verður að bíða og sjá en Gretzky sjálf póstaði á Instagram að hún gæti varla beðið eftir að auglýsingin væri fullgerð.

Á meðfylgjandi mynd virðist auglýsingin þó eitthvað hafa að gera með leikhraða á golfvöllum,  því ef nánar er að gáð stendur á merkinu framan á barmi Gretzky  „Speed Police“ eða „(leik)hraða lögreglan.“