Golfútbúnaður: Hvaða golfskó valdi Tiger?

Nike Golf var með hönnunarsamkeppni í gangi s.l. desember, þar sem það hvatti aðdáendur til að hanna Nike skó á Tiger.

Það var síðan sjálfur Tiger sem valdi skóna sem honum leist best (en skórnir sem hann valdi eru á mynd hér fyrir neðan):

Sigurskórnir í hönnunarkeppni Nike

Þetta var í fyrsta sinn sem Nike stóð fyrir svona opinni hönnunarkeppni

Sá sem hannaði skóna heitir Dane Thompson og það gætir þjóðernisáhrifa í litavali hjá honum (þ.e. skórnir eru í fánalitunum).

 „Þegar ég frétti af samkeppninni og að skórnir væru fyrir Tiger vissi ég að ég yrði að hanna eitthvað við hæfi,“ sagði Thompson á GolfChannel.com.

„Þjóðernisþemað kom upp í hugann þegar ég fór að hugsa um það sem Tiger tekur þátt í 2014. (M.a. Ryder Cup f.h. Bandaríkjanna).  Það tók ekkert langan tíma að hanna skóinn þegar ég var kominn með hugmyndina. Þetta snerist bara um að litirnir og einstakir partar golfskósins pössuðu saman.“

En hver er hönnuðurinn, sem Tiger hreifst af? Dane Thompson er sem segir 23 ára, nýútskrifaður úr University of Northern Iowa og vinnur í „The Other Place“ sem er veitingarstaður í Cedar Falls þar sem hann er framkvæmdastjóri. Þegar Thompson er ekki að vinna. er hann í golfi eða fylgist með Tiger Woods í sjónvarpi um helgar.  Eins finnst Thompson gaman að syngja og búa til lög.  Hann hefir verið í golfi mestallt líf sitt og segir að hann hafi tekið hlutunum af meiri alvöru eftir því sem hann varð eldri. Tiger er uppáhaldskylfingurinn hans.

Thompson fær heiðurinn af því að Tiger verður í skónum hönnuðum af honum fyrri hluta ársins 2014 og eins fær Thompson par af Nike TW’14 sem hann hannaði.

„Ég hugsa að þetta (2014) verði stórt ár fyrir Tiger, hann nær eflust að vinna svipaðan fjölda móta(og í fyrra 2013) plús nokkur risamót. Það er þaðan sem ég sótti hvatningu mína að hönnuninni. Af hverju ekki sigur í Opna bandaríska og Rydernum?