Ragnheiður Jónsdóttir | janúar. 2. 2014 | 00:30

GKG: Kristófer Orri náði frábærum árangri í PARS Junior í Orlando

Þrír af efnilegustu kylfingum GKG eru staddir í jólafríi með fjölskyldum sínum í Orlando og tóku þátt í sterku

unglingamóti á PARS Junior mótaröðinni. Mótið fór fram 28.-30. desember og var haldið á Orange County

National, sem er mörgum Íslendingum að góðu kunnur, en íslenski landsliðshópurinn fór nokkur ár þangað

í æfingaferðir. Einnig er þar haldið annað hvert ár lokakeppnin í úrtökumótinu um sæti á PGA mótaröðinni.

Þeir Bragi Aðalsteinsson, Hlynur Bergsson og Kristófer Orri Þórðarson tóku þátt í mótinu og stóðu

sig allir mjög vel og öðluðust góða og mikilvæga reynslu sem nýtist þeim á komandi tímabili. Kristófer náði

frábærum árangri og lék hringina þrjá á aðeins 4 höggum yfir pari, og endaði jafn í 7. sæti. Frábær árangur

hjá Kristófer sem var nýlega valinn í Afrekshóp GSÍ fyrir árið 2014, eftir góðan árangur á seinasta tímabili.

Sjá árangur þeirra hér fyrir neðan, einnig er hægt að SMELLA HÉR:  til að skoða úrslit allra og fræðast nánar um

mótið.

15-18 ára flokkur
7. sæti Kristófer Þórðarson 74 74 72 = 220

31. sæti Hlynur Bergsson 78 82 78 = 238

13-14 ára flokkur
10. sæti Bragi Aðalsteinsson 80 81 85 = 246

Höfundur: Úlfar Jónsson
Heimild: GKG