Eiturlyf að verðmæti $11 milljóna haldlögð á golfvelli

Eru golfvellir ekki bestu staðir í heimi? Ferskur ilmur af nýslegnu grasi, gott veður og lyktin af metamfetamíni í loftinu?

Bíðum aðeins!

En þetta var nú raunin á Kogarah golfklúbbnum í Sydney Australia s.l. miðvikudag þegar  Tactical Operations Unit (TOU) ástralskt eiturlyfjateymi lögreglunnar, haldlagði metamfetamín að andvirði 11 milljóna bandaríkjadala á parkstæði golfvallarins.

Fjórir voru handteknir og verða ákærðir fyrir að hafa eiturlyfin í fórum sínum og fyrir ólöglega eiturefnasölu.

Tveir af ákærðu keyrðu að sögn hvítum flutningabíl, sem flutti um 10 kíló af „ís“ falið í sjónvarpi í hús sem var þarna nálægt, þegar þriðji maðurinn bættist í bílinn. Þeir þrír keyrðu síðan á golfvöllinn þar sem þeir voru handteknir. Fjórði aðilinn var handtekinn síðar í tengslum við haldlagninguna.

Það er þess virði að setja þetta eiturefna„bust“ í rétt samhengi.  Andvirði eiturefnanna, sem voru haldlögð, er meira en allt verðlaunafé á Australian PGA og Masters til samans, en mótin hafa farið fram undanfarnar vikur.  Sá sem hefði fengið ágóðann af eiturefnunum hefði verið efstur á 2013 PGA peningalistanum með þessa fjármuni þ.e. $11 milljónir bandaríkjadala og hefði m.a.s átt $ 2 milljónir á næsta keppenda eða hefði efnast meira en Tom Watson á öllum ferli sínum.

Ekki er verið að mælast til að fólk leggist í eiturefnasölu fremur en golfleik – aðeins verið að benda á hversu gífurlegir fjármunir eru í umferð í þeim bransa  – kostir golfleiks eru s.s. allir vita mun meiri – fyrir utan alla gleðina að spila golf, þarf ekki að hafa samvisku yfir öllum lífunum, sem lögð eru í rúst með eiturefnunum, auk þess sem stöðug hætta er á að vera handtekinn eins og fjórmenningarnir.  Eiginlega óþarfi að taka þetta fram, bara verið að vega upp á móti, æsifréttastílnum á Herald Sun, sem þessi grein byggist á!