Caroline segir sig og Rory ekki hætt saman

Sú saga sem fór eins og eldibrandur um alla golffréttamiðla í dag er að nr. 6 á heimslistanum Rory McIlroy og danska tennisstjörnukæresta hans Caroline Wozniacki væru hætt saman.

Ástæðurnar sem nefndar voru, voru þær að Rory vildi einbeita sér að því að ná 1. sætinu á heimslistanum aftur og eins að hann sé ævareiður Caroline fyrir að hafa birt nörda-lega mynd af sér á Twitter þar sem hann sefur með opinn munninn. Með myndinni fylgdi texti sem sagði: „Jetlagged. LOL“ eða á okkar ilhýra: „Þreyttur eftir flug. Hlegið upphátt!!“

Rory sofandi

Caroline Wozniacki hefir nú komið fram í danska Ekstra Bladet  þar sem hún neitar að þau skötuhjú þ.e. hún og Rory séu hætt saman. .

Dagblaðið  Independent var með grein um helgina   þar sem sagði að Rory McIlroy hefði bundið enda á  2 ára samband sitt við fyrrum nr. 1 í heimskvennatennisnum Caroline Wozniacki, síðan fylgdi flóð fjölmiðla í kjölfarið, sem bar sorgartíðindin.

Caroline svaraði fyrir sig s.s. segir í Ekstra Bladet hér að ofan og segir að allt sé í besta lagi með samband hennar og Rory (þrátt fyrir allar rætnisfullar rægitungur).

Talsmenn nýju umboðsskrifstofu Rory vilja ekkert tjá sig um málið; nánar tiltekið vilja tjá sig um einkalíf Rory að svo stöddu.  Rory sjálfur þegir þunnu hljóði.