Bandaríska háskólagolfið: Andri Þór á besta skori Nicholls eftir 1. dag í Texas

Andri Þór Björnsson, GR og Ragnar Már Garðarsson , GKG, taka báðir þátt í  Huskies Invitational mótinu í Houston, Texas.

Mótið stendur dagana 30. september-1. október 2013 og verður lokahringurinn því leikinn í dag. Þátttakendur eru 75 frá 13 háskólum.

Eftir fyrsta dag eru Andri Þór Björnsson og golflið Nicholls í 7. sætinu í mótinu í liðakeppninni og þar er Andri Þór á 1.-2. besta skori liðsins.

Hann hefir leikið fyrstu tvo hringina, sem spilaðir voru í gær á samtals 145 höggum (71 74).

Ragnar Már Garðarsson, GKG, Íslandsmeistari í holukeppni í piltaflokki – 15. júní 2013 á Leirdalsvelli

Ragnar Már og McNeese eru í 4. sæti í liðakeppninni en Ragnar Már er á 5. og lakasta skori liðsins og telur það ekki í árangri liðsins.

Ragnar Már lék á samtals 152 höggum (74 78) og er í 56. sætinu í einstaklingskeppninni.

Golf 1 óskar þeim Andra Þór og Ragnari Má góðs gengis í dag!

Til þess að sjá stöðuna eftir fyrstu tvo hringina á fyrri degi Huskie Invitational SMELLIÐ HÉR: