Evróputúrinn: Molinari meðal efstu 3 þegar Opna ítalska er hálfnað

Það eru Philippe Aguilar frá Chile, Simon Thornton frá Írlandi og „heimamaðurinn“ Francesco Molinari sem deila efsta sætinu þegar mót vikunnar á Evrópumótaröðinni, Open d´Italia Lindt, er hálfnað.

Þeir eru allir búnir að spila á samtals 9 undir pari, 135 höggum; Aguilar (69 66); Thornton (68 67) og Molinari (68 67).

Fjórða sætinu deila Belginn Nicolas Colsaerts, David Higgins frá Írlandi og Englendingurinn Steve Webster; allir höggi á eftir forystumönnunum; á samtals 8 undir pari, 136 höggum, hver.

Meðal þeirra sem ekki komust í gegnum niðurskurðinn eru Portúgalinn Ricardo Santos, risamótsmeistarinn David Duval frá Bandaríkjunum og Englendingurinn Robert Rock.

Til þess að sjá stöðuna eftir 2. dag SMELLIÐ HÉR: