Heimslistinn: Zach Johnson kominn upp í 12. sætið!!!

Zach Johnson er farinn að nálgast topp-10 á heimslistanum eftir sigur sinn á rigninga seinkuðu BMW meistaramótinu.

Sigurhringur hans var upp á skollalausan 6 undir pari, 65 högg og færði honum sigurinn umfram Jim Furyk, sem búinn var að leiða allt mótið.

Sigurinn tryggði Zach líka sæti meðal 5 efstu á FedEx Cup listanum. Hann verður í næstsíðasta ráshóp sem tíar upp á Tour Championship í Atlanta næsta fimmtudag og er í geysigóðri stöðu til þess að hreppa 10 milljóna dollara bónusinn.

En eins og framangreint sé ekki nóg.  Zach fer úr 24. sætinu á heimslistanum í 12 sætið eða upp um heil 12 sæti!!!!

Jim Furyk 59-maðurinn, fer úr 15. sætinu í 13. sæti heimslistans og Nick Watney sem varð í 2. sæti á BMW meistaramótinu fer upp um 5 sæti, var í 31. sæti og er nú í 27. sæti heimslistans.

Tiger sem er efstur á FedExCup stigalistanum heldur 1. sæti sínu á heimslistanum og eykur ef eitthvað er forskotið á þann sem er í 2. sæti, Adam Scott. 

Henrik Stenson lækkar ekkert á heimslistanum þó hann sé að brjóta drævera!!! Hann heldur 6. sætinu.

Joost Luiten, sigurvegari KLM Open á heimavelli í Hollandi fer upp um 26 sæti á heimslistanum úr 81. sætinu í 55. sætið.  Jiménez fer upp um eitt sæti í 51. sæti heimslistans og nálgast það að komast aftur inn á topp-50 heimslistans.

Hér má sjá stöðu topp-1o kylfinganna á heimslistanum (en eins og sjá má eru 6 af 10 bestu kylfinga heims frá Bandaríkjunum): 

1. Tiger Woods, Bandaríkin , 13.65

2. Adam Scott, Ástralía, 9.23

3. Phil Mickelson, Bandaríkin, 8.47

4. Rory McIlroy, Norður-Írland, 7.68

5. Justin Rose, England, 7.67

6. Henrik Stenson, Svíþjóð, 7.12

7. Matt Kuchar, Bandaríkin, 6.68

8. Brandt Snedeker, Bandaríkin, 6.28

9. Steve Stricker, Bandaríkin, 6.21

10. Jason Dufner, Bandaríkin, 5.99