Bandaríska háskólagolfið: Sunna og Elon í 3. sæti fyrir lokahringinn

Sunna Víðisdóttir, GR  og golflið Elon taka þátt í William & Mary Invitational mótinu, sem fram fer á golfvelli Kingsmill Plantation, í Virginíu, dagana 15. -17. september.

Leikið er á Plantation golfvellinum í Kingsmill, sem er par-71 og 5958 yarda (5448 metra) langur.  Lokahringurinn verður spilaður í dag.

Alls keppa lið 9 háskóla og eftir 2. dag er Sunna í 3. sæti í einstaklingskeppninni, sem hún deilir með Tinu Chang frá W&M háskólanum.

Sunna var á sléttu pari, 71 höggi fyrsta keppnisdag en lék á 3 yfir pari, 74 höggum í gær.

Sunna er því í toppbaráttunni  í Virginíu og óskum við henni hér á Golf 1 góðs gengis á lokahringnum í dag!

Staðan efstu 5 í einstaklingskeppninni á W&M Invitational eftir 2. hring mótsins er eftirfarandi:

T1. Kelly McGovern (W&M) 143 (+1)
T1. Anna Appert Lund (MSU) 143 (+1)
T3. Tina Chang (W&M) 145 (+3)
T3. Sunna Vidisdottir (Elon) 145 (71 74) –  (+3)
T5. Lauren Conder (UR) 146 (+4)
T5. Anna Magnusson (MSU) 146 (+4)

Staðan í liðakeppninni á W&M Invitational er eftirfarandi eftir 2. hring mótsins: 

1. Morehead State 585 (+17)
2. William and Mary 590 (+22)
3. Elon 595 (+27)
4. Richmond 603 (+35)
5. Georgetown 607 (+39)
6. Radford 620 (+52)
7. Hofstra 654 (+86)
8. Randolph-Macon 687 (+119)
9. Hampton 749 (+181)