Eimskipsmótaröðin (3): Íslandsmótið í holukeppni hefst í dag í Borgarnesi!

Í dag hefst 3. mótið á Eimskipsmótaröðinni, Íslandsmótið í holukeppni á Hamarsvelli í Bogarnesi.

Þátttakendur eru 66 þar af 26 konur. Flestir þátttakendur koma úr GR eða 19 talsins, næstflestir eða 18 úr GKG og úr GK koma 13, en samtals eru keppendur úr þessum 3 klúbbum 50 talsins.

Aðeins einn „heimamaður“ tekur þátt í mótinu Bjarki Pétursson úr GB.

Þau sem eiga titil að verja eru Signý Arnórsdóttir, GK og Haraldur Franklín Magnús, GR, sem gekk svo vel á British Open Amateur, frábær árangur hjá honum að lenda í topp-16 af 288 þátttakendum í því móti.

Signý og Haraldur Franklín taka bæði þátt og munu reyna að verja titil sinn.

Spennandi golfhelgi framundan hér á Íslandi!