Eimskipsmótaröðin (2): Viðtal við Önnu Sólveigu forystukonu 2. dags

Anna Sólveig Snorradóttir, GK, leiðir fyrir lokahringinn úti í Vestmannaeyjum.

Hún lék í dag á 2 yfir pari, 72 höggum. Í gær spilaði hún  á 74 höggum og er því samtals á 6 yfir pari, 1 höggi á undan klúbbfélaga sínum Signýju Arnórsdóttur, GK.

Golf 1 tók stutt viðtal við Önnu Sólveigu.

Golf 1: Sæl Anna Sólveig – þetta var glæsilegt hjá þér í dag 2 yfir pari, hvað var að ganga upp?

Anna Sólveig:  Bara allt, ég var að slá mjög vel.

Golf 1: Þetta var flott hjá þér að taka skrambann á 13. aftur með tveimur fuglum í röð – hvað er eiginlega svona erfitt við 13.?

Anna Sólveig:  Í dag missti ég bara  meterspútt á 13. og það voru voða leiðindi. – Hún er erfið vegna þess að hún er svo löng. Hún ætti að vera par-5 hola.

Golf 1: Hvernig er veðrið og er það að hafa áhrif á leikinn?

Anna Sólveig:  Veðrið truflar mig aldrei neitt… en það er alveg skítaveður hér – þoka og einhver rigning og vindur.

Golf 1: Hvernig finnst þér Vestmannaeyjavöllur?

Anna Sólveig: Hann er ótrúlega flottur og skemmtilegur. Það eru bara nokkur grín léleg á seinni 9. Annars er völlurinn mjög góður.

Golf 1: Hvert er planið fyrir morgundaginn?

Anna Sólveig: Bara spila mitt golf.  Ég er aldrei að spá í andstæðingunum.