Tiger tíar upp á Memorial

Tiger Woods spilar á morgun í fyrsta móti sínu frá sigri sínum á Players Championship og mun þá reyna að freista þess að verja titil sinn meðal stjörnukylfinganna á Memorial Tournament í Muirfield Village.

Sjö af 10 bestu kylfingum heims eru saman komnir í Dublin, Ohio til þess að reyna að sigra á móti Jack Nicklaus og taka síðan í höndina á goðsögninni á 18. flöt.

Nr. 1 á heimslistanum (Tiger) vann 5. titil sinn á Memorial fyrir 12 mánuðum síðan þökk sé frábæru vippi á par-3 16. flötinni á lokahringnum – og með þessum sigri jafnaði hann 73 titla met Nicklaus.

Síðan þá hefir Tiger náð allt að því gamla spilaformi sínu og er búinn að sigra í 4 mótum af 7 sem hann hefir tekið þátt í á árinu. Hann þykir sigur-stranglegastur af þeim sem þátt taka á Memorial

„Þetta var áhættusamt lítið vipp,“ sagði Tiger þegar hann rifjaði upp sigurvippið frá síðasta ári. „Að ná þessu í móti Jack, og jafna met Jack um 73 sigra hans, það var svolítið eins og að draga kanínu úr hattinum (þ.e. töfra þurfti til).

„Það skiptir okkur svo miklu máli að hafa hann þarna á 18. flöt, þegar maður sigrar. Það tekur allt málið á annað stig.“