Golfútbúnaður: PING Nome pútterinn

PING Nome pútterinn er nýjasti pútterinn frá PING, sem hefir verið endurbættur skv. „True Roll“ concepti PING, en hann er nú kynntur sem  PING Nome TR pútter.

PING’s TR serían af pútterum er fyrsta serían sem hefir breytilegar dýpt á grópum, sem eru greyptar beint á púttershöggflötinn. Grópirnar eru dýpstar í miðjunni og grynnka eftir því sem nær dregur brúnunum sem á að hafa í för með sér stöðugri boltahraða.

Rannsóknir PING hafa sýnt að TR grópirnar bættu stöðugleika um næstum 50% á 9 punktum á púttershöggfletinum.

Upprunalegi PING Nome pútterinn kom á markað á síðasta ári. Nýja TR módel-ið er með  350 gr. kylfuhöfuð úr hágæða loftmótuðu (ens. aircraft) áli.  Bodý-ið er í matt svörtu, með hvítum miðunarrákum og svörtum bakgrunni.  PING Nome TR pútterinn er mjög fyrirgefandi.

Hái MOI performansinn kemur vegna jafnvægisins milli höfuðsins sem er létt og  tungsten-þyngdarbitunum í útjarðri pútters sólans.

PING Nome TR  pútterinn er hluti af  „Fit for Stroke“ kerfi PING, en hægt er að velja þrennskonar sveigju á skafti þ.e. beina (ens. Straight), með örlítlli sveigju (ens. Slight Arc) eða sterkri sveigju (ens. Strong Arc).

Kylfingar geta valið um standard eða staðlaða lengd Nome TR púttera eða borgað aðeins meira fyrir „lengjanlegan“ pútter, sem hægt er að breyta allt frá 78,7 cm (ens. 31 inches) og upp í 96,5 cm (ens. 38 inches).

„Þegar kylfingar eru með rétta lengd á pútternum sínum, sýna rannsóknir okkar að þeir eru mun nákvæmari og stöðugri (í púttunum),“ sagði forstjóri PING, John A. Solheim.