PGA Tour: Shawn Stefani leiðir á Tampa Bay Championship – Hápunktar og högg 1. dags

Það er PGA Tour nýliðinn Shawn Stefani sem leiðir eftir 1. dag Tampa Bay Championship styrkt af Ever Bank, sem er mót vikunar á bandaríska PGA.  Leikið er í Innisbrook golfstaðnum á Copperhead í Palm Harbour, Flórída.

Shawn er ekki meðal „nýju strákanna á PGA 2013″ sem Golf 1 kynnir, því þar eru aðeins kynntir þeir sem urðu í 25. sæti eða jafnir í því sæti í Q-school, og hlutu þannig kortið sitt, m.ö.o. fullan keppnisrétt á PGA Tour 2013. Shawn Stefani var meðal 25 kylfinga, sem var efstur á peningalista Web.com Tour og komst þannig inn á PGA Tour. Reyndar varð Shawn í 6. sæti peningalistans eftir 2 sigra á Web.com í fyrra.

Hann byrjaði brösulega á PGA Tour, komst ekki í gegnum niðurskurð í fyrstu 2 mótunum, sem hann spilaði í, en náði síðan besta árangri sínum til þessa á PGA Tour þ.e. 39. sætinu á Puerto Rico Open nú s.l. helgi.

En nú er kominn nýr dagur og nýtt mót og Stefani er í efsta sætinu eftir 1. hring Tampa Bay Championship, spilaði á 6 undir pari, 65 glæsihöggum!!!

Hann á 2 högg á þann sem næstur kemur, Brian Harman, sem spilaði á 4 undir pari, 67 höggum.

Þriðja sætinu deila 3 góðir Tag Ridings (sjá kynningu Golf 1 á honum með því að SMELLA HÉR:), Brendan Steele og nýliði á PGA Tour frá því í fyrra Harris English (sjá kynningu Golf 1 á honum með því að SMELLA HÉR:) en allir eru þeir búnir að spila á samtals 3 undir pari, 68 höggum hver.

Sá þátttakandi mótsins, sem er hæstur á heimslistanum, nr. 3, Luke Donald, deilir sem stendur 14. sæti ásamt 11 öðrum, þ.á.m. Adam Scott og Jason Day, en þessi hópur er allur búinn að leika á 1 undir pari, 70 höggum.

Til þess að sjá stöðuna eftir 1. dag Tampa Bay Championship SMELLIÐ HÉR:

Til þess að sjá hápunkta 1. dags á Tampa Bay Championship SMELLIÐ HÉR:

Til þess að sjá högg 1. dags á Tampa Bay Championship, sem Jordan Spieth átti SMELLIÐ HÉR: