NGA: Íslensku strákarnir komust ekki í gegnum niðurskurð í Flórída

Þórður Rafn Gissurarson, GR og Alexander Gylfason, GR, komust ekki í gegnum niðurskurð á  6. móti NGA Pro Golf Tour – Bridgestone Winter Series  í Shingle Creek í gær.

Þórður Rafn Gissurarson. Mynd: Golf 1.

Þátttakendur í mótinu eru 126 og aðeins 35 efstu komust áfram og fá að leika í dag 3. hringinn til fjár.

Ljósi punkturinn er að Alexander bætti sig um heil 9 högg milli hringja; spilaði fyrri daginn á 85 höggum en var á 76 höggum seinni daginn. Alexander lauk leik í 120. sæti á 17 yfir pari.

Þórður Rafn deildi 116. sætinu, lék á samtals 11 yfir pari, 155 höggum (76 79).

Næsta mót á  NGA Pro Golf Tour – Bridgestone Winter Series er á Disney golfvellinum Lake Buena Vista, dagana 11.-13. desember n.k.

Til þess að sjá stöðuna eftir 2. daginn í Shingle Creek SMELLIÐ HÉR: