Nökkvi Gunnarsson varð í 7. sæti á The Davenport Classic – Glæsilegt!!!

Nökkvi Gunnarsson, NK, lék á The Davenport Classic mótinu, sem er mót á Florida Professional Golf Tour og náði þeim glæsilega árangri að verða í 7. sæti. Golf 1 óskar Nökkva innilega til hamingju!!!

Mótið var tveggja daga og fór fram 20.-21. nóvember.

Spilað var á Ridgewood Lakes golfvellinum í Flórída, sem m.a hefir verið valinn besti golfvöllur Bandaríkjanna af Golf Digest. Sjá má heimasíðu klúbbsins með því að SMELLA HÉR: 

Samtals lék Nökkvi á 3 undir pari, 141 höggi (70 71) og hlaut $ 650 (82.000 íslenskar krónur) fyrir árangurinn. Nökkvi deildi 7. sætinu með Ty Harris og Jhared Hack, sem báðir eru frá Flórída. Í efsta sæti varð Jim Chancey frá Flórída á samtals 8 undir pari, 136 höggum (68 68).

Á facebook síðu sína skrifar Nökkvi m.a. eftirfarandi um þátttöku sína í mótinu: „Kominn heim til Dunedin eftir frábært mót, The Davenport Classic á Ridgewood Lakes. Þetta er sterkasta mót sem ég hef tekið þátt í og jafnframt minn besti árangur á ferlinum. Meðal þátttakenda voru fyrrverandi og núverandi leikmenn á PGA mótaröðinni og Champions Tour. Einnig leikmenn sem eru að undirbúa sig fyrir lokaúrtökumótið í Kaliforníu og margir sem voru að spila á 2. stigi í síðustu viku.Mjög sáttur með 7. sætið en eins og alltaf er hægt að finna nokkur högg, sérstaklega svekkjandi að enda á óþarfa skolla sem kostaði 5. sætið. En eins og ég segi, mjög sáttur og mitt besta mót á ferlinum við erfiðar aðstæður. Þakkir til allra sem hafa stutt við bakið á mér í þessu.“

Sjá má lokastöðuna í mótinu með því að SMELLA HÉR: