Ragnheiður Jónsdóttir | nóvember. 18. 2012 | 09:30

Japanska PGA: Luke Donald sigraði á Phoenix Dunlop mótinu

 Nr. 3 á heimslistanum Luke Donald sigraði á Phoenix Dunlop mótinu í Phoenix Country Club í Miyazaki, Japan en þetta er í fyrsta sinn í 5 ár sem hann spilar á japanska  PGA þ.e. hann hefir ekki tekið þátt í japönsku móti frá árinu 2007.

Luke lék á samtals 16 undir pari 268 höggum (65 64 71 68) og átti 5 högg á næsta mann Hideki Matsuyama frá Japan, sem var á samtals 11 undir pari, 273 höggum (70 69 67 69). Fyrir sigurinn fékk Luke 40 milljónir yen (rúmlega 60 milljónir íslenskra króna).

Spánverjinn Alvaro Quiros spilaði á samtals 8 undir pari varð  T-6  og landi hans Gonzalo Fdez-Castaño, var á 6 undir pari (70 71 70 67) og varð T-10, líkt og Jonas Blixt frá Svíþjóð (70 70 70 68).

Ryo Ishikawa lauk leik á 1 undir pari, samtals 283 höggum  (73 67 73 70) og varð T-22 líkt og belgíski kylfingurinn og Ryder Cup nýliðinn 2012 Nicolas Colsaerts  (69 71 72 71).

Sang-Moon Bae lauk leik á sléttu pari (73 71 71 69)  og varð T-31 og Daninn Thorbjörn Olesen, var á samtals 4 yfir pari (72 74 71 71) og varð  T-48.

Til þess að sjá úrslitin á Phoenix Dunlop mótinu í heild SMELLIÐ HÉR: