Evróputúrinn: Thomas Björn leiðir í Singapore eftir 2. dag

Daninn Thomas Björn er aftur kominn í forystu á Barclays Singapore Open.  Hann lék 2. hring á 4 undir pari, 67 höggum; fékk fjóra fugla og 14 pör.  Samtals er Björn búinn að spila á 9 undir pari (66 67).

Tveimur höggum á eftir er Englendingurinn Chris Wood og eins skaust Suður-Afríkumaðurinn George Coetzee í 2. sætið með besta skori 2. hrings upp á 63 högg.

Francesco Molinari er í 4. sæti á 6 undir pari og Adam Scott og Simon Dyson deila 5. sætinu á samtals 5 undir pari.

Nirat Chipchai, fyrrum munkur, sem leiddi eftir gærdaginn er nú 7. sæti ásamt 10 öðrum kylfingum á samtals 4 undir pari, 138 höggum (65 73).

Verið er að spila 3. hring í augnablikinu.  Til þess að fylgjast með  stöðunni  SMELLIÐ HÉR: