EPD: Stefán Már varð í 44. sæti á Fulda EPD Tour Championship

Stefán Már Stefánsson, GR, tók þátt í Fulda EPD Tour Championship, í Þýskalandi, nú um helgina. Spilað var í Golf Club Hofgut Praforst í Hünfeld.

Mótið virðist hafa fallið svolítið í skuggann af Ryder bikarskeppninni hjá golffréttariturum hér heima.

Stefán Már spilaði á samtals 6 yfir pari, 222 höggum (73 75 74) og deildi 44. sætinu í mótinu með 2 öðrum, Tjeerd Staal frá Hollandi og Arwed Fischer frá Þýskalandi.

Stefán Már varð í 31. sæti peningalista EPD-mótaraðarinnar með 6.656.07 evrur og Þórður Rafn Gissurarson, GR, sem líka hefir spilað á mótaröðinni varð í 78. sæti með € 2097,20. Fyrir 5 efstu sætin á peningalistanum var m.a. í boði kortið á Áskorendmótaröð Evrópu, sem er einskonar stökkbretti inn á sjálfa Evrópumótaröðina.

Eftir mótið í Fulda er orðið ljóst að Þjóðverjinn Marcel Haremza er í efsta sæti peningalistans og mun því spila á Áskorendamótaröðinni á næsta ári.  Haremza er 34 ára frá Dießen am Ammersee í Þýskalandi. Hann hlaut í heildarverðlaunafé 26.262,12 evrur.

Marcel Haremza

Þeir sem fylgja honum á Áskorendamótaröðina keppnistímabilið 2013 eru:  Daníel Wünsche frá München, í 2. sæti (með € 22.920,60) Max Kramer frá Frankfurt í 3. sæti  (með € 21.740,3). Í 4. sæti varð síðan Frakkinn  Damien Perrier (með €20.723,31) og Tékkinn Marek Novy varð í 5. sæti (með € 17.986,64 í heildarverðlaunafé).

Til þess að sjá úrslitin á Fulda EPD Tour Championship SMELLIÐ HÉR: