Suzann Pro Challenge hefst n.k. föstudag í Osló

Suzann Pro Challenge hefst í Osló n.k. föstudag og stendur dagana 7.-9. september 2012.  Þetta er í fyrsta sinn sem mótið fer fram. Bestu kvenkylfingar sögunnar koma saman til þess að spila saman í mótinu í Oslo Golf Club næstu helgi þ.e.: Suzann Pettersen, Yani Tseng, Annika Sörenstam og Lorena Ochoa.

Annika Sörenstam og Lorena Ochoa líta aðeins upp frá fjölskylduskyldum sínum og taka sér kylfu í hönd. Stúlkurnar munu spila 18 holurnar í  Bogstad Golf Club, í tveggja manna liðum.

Mótið er m.a. haldið til stuðnings góðgerðarsamtökunum sem Suzann styrkir „Right to Play“

Dagskráin lítur svona út fyrir sunnudaginn 9. september

09:00 – Golfklúbburinn opnar
10:00 – Team Suzann g. Team Annika keppa (lið bestu norsku og sænsku unglinga á aldrinum 17-18 ára keppa gegn hvert öðru)
11:00 – Suzann Pro Challenge styrkt af BMW (Lið Suzann og Anniku spilar gegn liði Lorenu og Yani)
16:00 – Verðlaunaafhending