Elin Nordegren með nýjan kærasta?

Svo virðist sem Elin Nordegren, fyrrum eiginkona nr. 2 á heimslistanum í golfi, Tiger Woods, sé komin yfir sambandsslitin við goðið, sem ítrekað hélt framhjá henni. Ljóshærða fegurðardísin er að deita íshokkíleikmann San Jose Sharks, Douglas Murray, skv. óáreiðanlegum heimildum (en sjá má mynd af kauða hér að neðan)

Menn fóru að leggja saman tvo og tvo þegar sást til þeirra Elínar og Douglas þar sem þau sátu að snæðingi ásamt Jesper Parnevik (en sá hinn sami kynnti Elínu og Tiger) en bæði báru af sér að þau væru par. „Við erum aðeins vinir,“ sagði Murray við sænska dagblaðið Expressen. „Við erum ekki að deita og höfum aldrei deitað. Við eigum sameiginlega vini og við höfum aðeins þekkt hvort annað í nokkrar vikur.“

Sambandið hefir samt eitthvað dýpkast skv.  Showbiz Spy. Þannig eiga heimildarmennirnir óáreiðanlegu sem áður er minnst á að hafa séð Elínu og Douglas í kósíheitum, faðmandi hvort annað í Rose næturklúbbnum í Stokkhólmi í síðustu viku.

Elín og Tiger giftust 2004 og eiga tvö börn Sam and Charlie. Þau skildu 2010 eftir að Tiger játaði framhjáhald og að hafa átt í fjölmörgum samböndum við aðrar konur.