Nýju strákarnir á PGA Tour 2023: Brian Stuard (27/50)

Nú er komið að því að kynna þann sem var næstneðstur eða í 24. sæti á The Finals og fékk þannig kortið sitt á PGA Tour, en það er Brian Stuard.

Brian Glen Stuard fæddist 10. desember 1982, í Jackson, Michigan og er því 28 ára.

Stuard útskrifaðist frá Napoleon High School árið 2001. Hann spilaði háskólagolf við Oakland háskólann í Rochester, Michigan, sem þá var í  Mid-Continent Conference, og lauk BA gráðu í stjórnun árið 2005.

Stuard gerðist atvinnumaður í golfi árið 2005 og lék á NGA Hooters Tour árin 2006 og 2007. Hann hefur síðan leikið á Nationwide Tour (nú Korn Ferry Tour) frá árinu 2008. Hann endaði jafn í 19. sæti í 2009 PGA Tour Qualifying School til að vinna sér inn PGA Tour kortið sitt fyrir árið 2010. Á PGA Tour árið 2010, lék hann í 28 mótum og náði 13 sinnum niðurskurði. Besti árangur hans var T-2 árangur á Mayakoba Golf Classic mótinu á Riviera Maya-Cancun. Hann endaði í 154. sæti á peningalistanum og sneri aftur á Nationwide Tour árið 2011.

Stuard endurheimti PGA Tour kortið sitt eftir útskrift af Web.com Tour árið 2012.

Árið 2015 endaði hann í 128. sæti á FedEx Cup stigalistanum, sem þýddi að hann hafði aðeins skilyrta stöðu á PGA Tour árið 2016. Hins vegar vann hann sinn fyrsta PGA Tour sigur sinn í maí 2016 á Zurich Classic í New Orleans, sem var 120. PGA Tour byrjun hans, til að endurheimta fulla stöðu til 2018 Stuard fór einnig úr 513. sæti í 143. sæti heimslistans við sigurinn á Zurich Classic, þannig að hlutirnir geta breyst á örskotsstundu.

Nú er Stuard enn eina ferðina kominn á PGA Tour eftir frækilega frammistöðu í Korn Ferry Finals.