LET: Guðrún Brá náði ekki niðurskurði á Amundi German Masters

Guðrún Brá Björgvinsdóttir, GK, tók þátt í móti sl. viku á Evrópumótaröð kvenna (Ladies European Tour, skammst. LET).

Mótið, Amundi German Masters,  fór fram dagana 15.-18. júní 2023 í Golf & Country Club Seddiner See.

Guðrún Brá komst ekki í gegnum niðurskurð lék fyrstu tvo hringi mótsins á samtals 7 yfir pari (79 72).  Til þess að ná niðurskurði varð að spila hringina tvo á samtals 4 yfir pari eða betur.

Sigurvegari mótsins varð Kristyna Napoleaova.

Hún var að hafa fyrir sigrinum, því eftir hefðbundið spil var hún jöfn hinni ensku Cöru Gainer, báðar höfðu spilað keppnishringina fjóra á samtals 14 undir pari, hvor.

Það varð því að koma til bráðabana og þar sigraði Napoleaova þegar á 1. holu bráðabanans.

Þetta var fyrsti sigur Napoleaovu á LET.

Sjá má lokastöðuna á Amundi German Master með því að SMELLA HÉR: