LET: Guðrún Brá komst ekki g. niðurskurð á Amundi German Masters – Maja Stark sigraði

Guðrún Brá Björgvinsdóttir, GK, tók þátt í Amundi German Masters, móti á Evrópumótaröð kvenna, (ens.: Ladies European Tour, skammst.: LET)

Mótið fór fram dagana 30. júní – 3. júlí í Golf & Country Club Seddiner See og lauk því í dag.

Guðrún Brá komst því miður ekki gegnum niðurskurð að þessu sinni; lék á samtals 9 yfir pari, 153 höggum (73 80) og var ansi langt frá því að ná niðurskurði, sem að þessu sinni miðaðist við samtals 2 yfir par eða betra.

Maja Stark

Sigurvegari í mótinu varð sænski kylfingurinn Maja Stark, en hún lék á samtals 15 undir pari, 273 höggum (68 68 67 70). Landa hennar Jessica Karlsson, sem búin var að vera í forystu hélt ekki haus alveg undir blálokin og deildi 2. sætinu með heimakonunni Leonie Harm, en báðar léku á samtals 14 undir pari og voru því aðeins 1 höggi á eftir Stark.

Maja Stark er fædd 10. desember 1999 og því 22 ára. Hún gerðist atvinnumaður í golfi 2021 og er þetta 3. sigur hennar á LET. Eins á hún í beltinu einn sigur á LET Access. Stark er frá Abbekås, Skurup á Skáni, í Svíþjóð.

Sjá má lokastöðuna á Amundi German Masters með því að SMELLA HÉR: