Danielle Kang með æxli í hrygg

Samkvæmt Instagram færslu frá bróður Danielle Kang , sem er nr. 12 á Rolex-heimslista kvenna, er systir hans með æxli í hryggnum.

Alex Kang, bróðir Danielle Kang, birti fréttirna sl. fimmtudaginn þegar Daníelle hóf keppni á Opna bandaríska kvennrisamótinu á Pine Needles.

Instagramfærsa Alex var svohljóðandi:
„@daniellekang looking good! Play well this week at the @uswomensopen only person I know to be playing with a tumor in her spine…. So determined ❤️“

Danielle svaraði færslunni með: „Best brother.“

Danielle er búin að spila á samtals 3 yfir pari, 144 höggum (74 71) og rétt slapp gegnum niðurskurð.

Hún var spurð eftir hringinn í dag um æxlið, en hún vildi lítiði tjá sig um það.

„Ég er í raun að gera allt sem ég get,“ sagði Daníelle. „Ég veit ekki hvernig ég á að svara þessum hlutum núna. Ég hef ekki öll svörin. Ég hef verið að vinna með [lækninum mínum] og hann hefur verið frábær og sjúkraþjálfarinn minn, Heather Lyndon, hefur farið fram úr sér … þau halda mér bara saman.“

Danielle er jafnframt sögð hafa sagt litlum hópi fréttamanna frá því að hún vissi ekki hvort æxlið sem hún væri með væri ill- eða góðkynja.

„Ég hef farið í gegnum margar rannsóknir til þessa og með útilokunarferlinu erum við að þrengja þetta niður,“ sagði hún. „Þetta mun taka tíma.“

Hún sagði að líðanin væri „allt í lagi“ en hefir verið að ströggla síðustu tvo mánuðina, þ.á.m. mánuðinn sem hún keppti ekki eftir að hafa dregið sig úr keppni á Palos Verdes meistaramótinu í lok apríl. Bakverkir hrjáðu hana allan apríl og urðu til þess að hún dró sig úr Lotte meistaramótinu og tveimur vikum síðar hætti hún eftir 1. hring á Palos Verdes.

„Ég hef leikið svo illa síðustu mánuði,“ sagði Daníelle. „Ekki nóg með það, ég hef ekki snert kylfu hvað þá æft í langan tíma.“  Engu að síður náði hún í gegnum niðurskurðinn á Opna bandaríska kvenrisamótinu. Glæsilegt!