Afmæliskylfingur dagins: Perla Sól Sigurbrandsdóttir – 28. september 2021

Það er Perla Sól Sigurbrandsdóttir, GR, sem er afmæliskylfingur dagsins. Perla Sól er fædd 28. september 2006 og á því 15 ára afmæli í dag. Hún varð m.a. Íslandsmeistari í flokki 14 ára og yngri telpna á Íslandsbankamótaröðinni 2018 og spilaði þá á „Mótaröð þeirra bestu) (þá Eimskipsmótaröðinni, út í Eyjum, þar sem hún var yngsti keppandinn eða 11 ára. Perla Sól sagði í viðtali það ár, að það hafi verið bróðir hennar, Dagbjartur, sem hafi dregið sig í golfið.

Árið 2019, aðeins 12 ára varð Perla Sól Íslandsmeistari í höggleik og holukeppni í stelpuflokki og sigraði í öllum mótum Íslandsbankamótaraðarinnar. Jafnframt varð hún T-17 í Íslandsmótinu í höggleik í kvennaflokki – aðeins 12 ára!!! Stórglæsilegur árangur Perlu Sól!!!

Í ár 2021 er hún stigameistari í sínum aldursflokki. Frábær kylfingur þar sem Perla Sól er!!!

Aðrir kylfingar sem eiga afmæli í dag eru: Margaret „Wiffi“ Smith 28. september 1936 (85 ára); Ragnhildur Jónsdóttir, GK, 28. september 1940 (81 árs); Giuseppe Calì, 28. september 1952 (69 ára); Sigurjón Harðarson, 28. september 1952 (69 ára); Gustavo Rojas, 28. september 1967 (54 ára); Se Ri Pak, 28. september 1977 (44 árs);Kenneth Ferrie, 28. september 1978 (43 árs); Jean-Babtiste Gonnet, 28. september 1982 (39 ára);  Jane Turner,28. september 1989 (32 ára) – skosk spilar á LET Access; ….. og ….. Óliver Leó Óliversson og Sandy Crutchfield Daly

Golf 1 óskar afmæliskylfingnum og öðrum kylfingum sem afmæli eiga í dag innilega til hamingju með afmælið!

Ef þið viljið koma að afmælisgrein eða láta afmæliskylfings getið í upptalningu kylfinga, sem eiga afmæli hafið samband við golf1@golf1.is

Aðalmyndagluggi: Afmæliskylfingur Golf1.is 28. september 2021, Perla Sól Sigurbrandsdóttir, GR. Mynd: GSÍ