Nýju strákarnir á Evróputúrnum 2020: Benjamin Poke (28/28)

28 kylfingar tryggðu sér fullan spilarétt á Evrópumótaröðinni og mun Golf 1, líkt og á undanförnum vera með kynningu á þeim.

Meirihluti þeirra sem komst á Evróputúrinn, með þátttöku sinni í lokaúrtökumótinu eru reynsluboltar, sem margir hafa spilað á Evróputúrnum og í nokkrum tilvikum einnig bestu mótaröð í heimi PGA TOUR og voru þáttakendur í lokaúrtökumótinu því sérlega sterkir í ár.

Lokaúrtökumótið fór fram á Lumine golfstaðnum á Spáni, dagana 15.-20. nóvember 2019 að þessu sinni.

Í fyrsta sinn í golfsögunni voru 3 íslenskir keppendur á lokaúrtökumótinu: Andri Þór Björnsson, GR; Bjarki Pétursson, GB og Guðmundur Ágúst Kristjánsson, GR. Því miður komst enginn þeirra á Evróputúrinn að þessu sinni.

Golf 1 hefir þegar kynnt þá 4, sem rétt sluppu inn á Evróputúrinn og urðu T-28, þá 8 kylfinga sem deildu 17. sætinu; þá 4, sem deildu 13. sætinu; þá 5, sem urðu T-8 og Aaron Cockerill, sem varð í 7. sæti. Eins hefir Golf 1 kynnt þá Rasmus Højgaard og Laurie Canter, sem urðu T-5 og S.S.P. Chawrasia, sem varð í 4. sæti; Alejandro Cañizares, sem varð í 3. sæti og Grégory Havret, sem tók silfrið.

Nú á aðeins eftir að kynna sigurvegara lokaúrtökumótsins, en það var Daninn Benjamin Poke. Glæsilegt sigurskor hans var samtals 25 undir pari, 403 högg (67 67 69 67 69 64).

Benjamin Poke fæddist 27. desember 1991 og er því 28 ára.

Báðir foreldrar Poke eru golfkennararar og heima í Danmörku er hann í Furesö golfklúbbnum.

Poke gerðist atvinnumaður í golfi árið 2013.

Sem stendur er Poke nr. 464 á heimslistanum.

Sjá má allt nánar um Poke á heimasíðu hans HÉR: