LET: Henseleit sigurvegari í Kenía, nýliði ársins og stigameistari!

Þýski kylfingurinn Esther Henseleit gerði sér lítið fyrir og sigraði á Magical Kenia Ladies Open.

Sigurskor hennar var 14 undir pari, 274 högg (69 70 71 64). Lokaskor Henseleit upp á 64 högg  var vallarmet á Vipingo Ridge vellinum, nálægt Mombasa í Kenya.

Í 2. sæti varð indverski kylfingurinn Aditi Ashok, aðeins 1 höggi á eftir, þ.e. samtals á 13 undir pari og loks í 3. sæti varð hin sænska Julia Engström, sem búin að var að hafa afgerandi forystu alla 3 fyrstu keppnisdaga mótsins, en fyrir lokahringinn átti hún m.a. 7 högg á næsta keppanda. Afleitur lokahringur hennar upp á 74 högg kostaði hana sigurinn!

Valdís Þóra Jónsdóttir, GL tók þátt í mótinu og varð T-50 á samtals 8 yfir pari, 296 höggum (76 74 69 77).

Sjá á lokastöðuna á Magical Kenia Ladies Open með því að SMELLA HÉR: 

——

Með sigrinum varð hin 20 ára unga Henseleit frá Hamborg í Þýskaland  3. kylfingurinn í 41 árs sögu LET til þess að vinna sér inn stigameistaratitilinn og titilinn „Nýliði ársins“ á sama keppnistímabilinu (sú fyrsta var Dame Laura Davies 1985 og önnur varð Carlota Ciganda 2012).

Henseleit er jafnframt fyrsti þýski kylfingurinn til þess að verða stigameistari á LET og nýliði ársins á LET.

Eftir sigurinn sagði Henseleit m.a.: „Að ljúka keppnistímabilinu með sigri er besta tilfinning sem hægt er að hugsa sér. Að verða stigameistari og nýliði ársins er bara ótrúlegt!“