Úrtökumót f. Evróputúrinn: Sögulegt – 3 íslenskir kylfingar í lokaúrtökumótinu

Nýr kafli var skrifaður í golfsögubækurnar: 3 íslenskir kylfingar tóku í fyrsta sinn í golfsögunni þátt í lokaúrtökumóti fyrir Evróputúrinn.

Íslensku þátttakendurnir sem þátt tóku í lokaúrtökumótinu voru þeir Andri Þór Björnsson, GR; Bjarki Pétursson, GKB og Guðmundur Ágúst Kristjánsson, GR.

Því miður komst enginn þeirra í gegn og á Evróputúrinn að þessu sinni.

Guðmundur Ágúst stóð sig best íslensku strákanna; var aðeins 4 höggum frá kortinu sínu á Evróputúrinn 2020, en til þess að komast í hóp þeirra 77, sem spila tvo lokahringina þurfti að vera á samtals 4 undir pari eða betra eftir fyrstu 4 hringina, að þessu sinni.

Guðmundur Ágúst lék á samtals á sléttu pari, 286 höggum (72 67 75 72) og varð í 105. sæti af þeim 156 sem þátt tóku í lokaúrtökumótinu.

Bjarki Pétursson lék á samtals 3 yfir pari, 289 höggum (74 66 77 72) og varð í 124. sæti og 7 höggum frá kortinu sínu á Evróputúrinn.

Andri Þór lék á samtals 7 yfir pari, 293 höggum (72 73 71 77) og varð í 141. sæti og 11 höggum frá sæti á Evróputúrnum.

Lokaúrtökumótið fer fram dagana 15.-20. nóvember 2019 á Lumine golfstaðnum á Spáni.

Sjá má stöðuna á lokaúrtökumótinu í Lumine með því að SMELLA HÉR: 

Í aðalmyndaglugga: frá Hills golfvellinum á Lumine golfstaðnum á Allicante á Spáni.