Tiger ver val sitt á Reed

Þegar kemur að vali fyrirliða á leikmönnum í liðakeppnum eins og Rydernum, Solheim Cup og Forsetabikarnum, svo dæmi séu tekin, þá veldur oft ágreiningi ef það er einhver sem „skilinn er útundan“ sem „átti meira skilið“ að vera í liðinu.

Hvað sem því líður, þá olli meiri deilum, eftir að Tiger gerði val sitt á 4 leikmönnum kunnugt í Forsetabikarinn, að Patrick Reed skildi hafa orðið fyrir vali hans.

Tiger tilkynnti frá The Woods, veitingastað í eigu hans í Suður-Flórída að þeir sem hann hefði valið væru hann sjálfur, Tony Finau, Gary Woodland og Patrick Reed.

Þessir 4 bætast við þá 8 sem komust sjálfkrafa í Forsetisbikarsliðið bandaríska, sem spilar á Royal Melbourne í næsta mánuði en þessir 8 eru: Brooks Koepka, Justin Thomas, Dustin Johnson, Matt Kuchar, Xander Schauffele, Webb Simpson, Bryson DeChambeau og Patrick Cantlay.

Tiger varði val sitt á Reed eftir að það olli ágreiningi og félagsmiðlum og golffjölmiðlum.

Hann sagði m.a.: „(Reed) hefir ótrúlega stöðugan feril í Forsetabikarnum. Þetta er manneskja sem er eins eld- fim og þær koma. Hann blæðir rauðu, hvítu og bláu og mun gera allt til þess að ná punktum og það er það sem við viljum. Hann gefur algjörlega allt sem hann hefir og það er aðdáunarvert og stákarnir hlakka til að hafa hann sem part af liðinu.“

Reed gagnrýndi mjög fyrirliða Bandaríkjanna, Jim Furyk, eftir að lið Bandaríkjanna tapaði í Rydernum á Le Golf National í Frakklandi og eins nokkra liðsfélaga sína s.s. Jordan Spieth. Nú hefir Tiger valið Reed í liðið, en hvorki Jordan Spieth né Jim Furyk eru með.

Fyrir utan þá tvo voru menn á borð við Rickie Fowler, Kevin Na og Kevin Kisner að gera sér vonir um að komast í liðið og fyrir þá gæti verið smá vonarglæta því Koepka er að ná sér eftir hnémeiðsl og óvíst hvort hann verði með.

Tiger sagðist myndu fylgjast náið með Koepka og taka ákvörðun eftir að Koepka léti sig vita hvort eða ekki hann gæti spilað.

Forsetabikarinn fer fram 12.-15. desember n.k. í Royal Melbourne golfklúbbnum, í Melbourne, Ástralíu.