Olesen fyrir dómi

Aðeins 15 mílur frá Wentworth golfklúbbnum, þar sem BMW PGA Championship, mót sl. viku á Evróputúrnum fór fram var einn af bestu kylfingum mótaraðarinnar mættur fyrir rétti.

Thorbjörn Olesen mætti í Isleworth Crown Court sl. miðvikudag vegna ákæru um kynferðislega áreitni og fyrir að hafa verið drukkinn um borð í flugvél. Þar var ákveðið að aðalmeðferð í máli hans verði 13. desember n.k.

Hinn 29 ára Dani (Olesen) var um borð í flugi frá Memphis til London eftir að hafa tekið þátt í WGC FedEx St. Jude Invitational, þar sem hann lauk keppni T-27.

Meðal þess sem hann gerði af sér um borð í flugvélinni var að lenda í orðaskaki við aðra farþega eftir að hafa káfað á brjóstum eins kvenfarþega sem var sofandi og eftir að hafa kysst hana í hnakkann og síðan haft þvaglát í gangvegi.

Lögmaður Olesen, Paul Morris, sagði að hann hefði tekið inn lyf fyrir flugið, sem hefðu haft áhrif á hegðun hans.

Olesen hefir sigraði 12 sinnum sem atvinnumaður þ.á.m. 5 sinnum á Evróputúrnum.

Honum hefir verið vikið af Evróputúrnum meðan mál hans er í gangi. Sem stendur er Olesen nr. 69 á heimslistanum.