Nýju strákarnir á PGA 2020: Chase Seiffert (12/50)

Eins og á undanförnum árum mun Golf 1 kynna „Nýju strákana“ á PGA Tour. Nú verða kynntir „nýju strákarnir“ keppnistímabilið 2019-2020 til sögunnar, en það eru sem fyrr efstu 25 á peningalista Korn Ferry Tour eftir 2018-2019 keppnistímabilið og síðan þeir 25 sem stóðu sig best í síðustu 3 mótunum á mótaröðinni þ.e. í Korn Ferry Tour Finals.

Fyrst verða kynntir þeir 25, sem urðu efstir á stigalista Korn Ferry Tour eftir reglulega tímabilið og hlutu þannig kortin sín á mótaröð þeirra bestu, PGA Tour, fyrst var kynntur sá sem varð í 25. sæti og rétt slapp inn á mótaröðina og síðan endað á þeim sem landaði 1. sæti stigalistans, Scottie Scheffler, með 2935 stig.

Síðan verða kynntir þeir 25 sem komust á PGA Tour gegnum Korn Ferry Tour Finals.

Í dag verður kynntur sá kylfingur, sem varð í 14. sæti eftir reglulega tímabilið, Chase Seiffert, sem var með 1026 stig á stigalista Korn Ferry Tour.

Chase Seiffert fæddist 12. ágúst 1991 í Panama City, Flórída og er því nýorðinn 28 ára.

Hann er fremur hávaxinn 1,91 m á hæð og 91 kg.

Seiffert lék í bandaríska háskólagolfinu með liði Florida State University.

Hann útskrifaðist þaðan 2013 með gráðu í félagsfræði.

Útskriftarárið, 2013 gerðist Seiffert atvinnumaður í golfi.

Hann var reyndar ekki allan tíman í Florida State heldur byrjaði í Central Alabama Community College áður en hann flutti sig yfir til Florida State, þar sem liðsfélagar hans voru m.a. Brooks Koepka, Daniel Berger og Hank Lebioda.

Sem áhugamaður var Seiffert fyrst kylfingurinn til þess að ná „Florida Triple Crown,“ þ.e. hann sigraði í Florida Amateur, Florida Open og Florida Match Play Championship allt á sama árinu.

Þegar Seiffert er ekki í golfi finnst honum gaman að vera við fiskveiðar og stunda útivistaríþróttir