Pettersen vonast eftir að spila í Solheim

Varafyrirliði Solheim Cup liðs Evrópu, Suzann Pettersen, tekur þátt í Aberdeen Standard Investments Ladies Scottish og vonast eftir að frammistaða hennar þar verði til þess að fyrirliðinn Catriona Matthew velji hana sem spilandi varafyrirliða.

Pettersen og Matthew spiluðu saman á LPGA mótinu, Dow Great Lakes Bay Invitational, fyrir 3 vikum, sem var fyrsta mót Pettersen í 20 mánuði eftir fæðingu sonar hennar Hermans.

Jafnvel þó Pettersen hafi ekki náð niðurskurði vonast hún til þess að sanna að hún sé þess verð að Catriona velji sig í liðið, en fyrirliði getur valið 4 leikmenn í liðið.

„Augljóslega myndi ég elska það að spila. Þetta er stærsta og besta golfsviðið.“ sagði Pettersen aðspurð hvort hún myndi vilja spila í 9. sinn í Solheim Cup, sem fer fram í Gleneagles, í Skotlandi í næsta mánuði.“

„Ég myndi elska að spila, ef ég er nógu góð. Það er erfitt að segja fyrir um það og þess vegna ætla ég að spila í þessari viku til þess að sjá – við erum að velja afgang liðsins eftir viku.“

„Ég er ekki ein af þeim sem velur síðustu 4 liðsmennina. Ég sagði Beany (Cartrionu Matthew) að ég myndi elska að spila, en ég verð líka að sjá nokkur merki þess að ég sé í góðu formi.“

„Ef talað hefði verið við mig (Suzann) í apríl, myndi ég hafa sagt:„ekki sjéns“, en hlutirnir hafa breyst aðeins. Í fyrsta lagi er ég varafyrirliði, en ef hún (Catriona) vill að ég spili, myndi mér finnast það heiður og líta á það sem hrós. En ekki einu sinni ég veit hvað verður.“