Nýju strákarnir á PGA Tour 2019: Cameron Davis (46/50)

Eins og á undanförnum árum mun Golf 1 kynna „Nýju strákana“ á PGA Tour keppnistímabilið 2018-2019 til sögunnar, en það eru sem fyrr efstu 25 á peningalista Web.com Tour eftir 2017-2018 keppnistímabilið og síðan þeir 25 sem stóðu sig best í síðustu 4 mótunum á mótaröðinni þ.e. í Web.com Finals.

Nú hafa verið kynntir þeir 25, sem urðu efstir á peningalista Web.com Tour eftir reglulega tímabilið og hlutu þannig kortin sín á mótaröð þeirra bestu, PGA Tour, síðast var kynntur sá sem varð í 1. sæti peningalistans, Sungjae Im frá Suður-Kóreu.

Nú er aðeins eftir að kynna þá 25, sem urðu efstir á Web.com Finals og hlutu þannig þáttökurétt á mótum PGA Tour. Fyrst var kynntur sá sem rétt slapp í hóp þeirra 25 efstu en það var Jim Knous, síðan Fabián Gómez frá Mexíkó, kanadíski kylfingurinn Ben Silverman, bandarísku kylfingarnir Michael Hayes Thompson, Nicholas Lindheim, Wes Roach og Cameron Tringale, Curtis Luck (16. sæti) frá Ástralíu, Dylan Frittelli frá S-Afríku og Sepp Straka frá Austurríki; Stephan Jäger, sem varð í 15. sæti; Roberto Diaz, sem varð í 14. sæti ; Max Homa, sem varð í 13. sæti Seth Reeves, sem var í 12. sæti; Hunter Mahan, sem varð í 9. sæti, Matt Jones frá Ástralíu sem varð í 8. sæti og bandaríski kylfingurinn Lucas Glover, sem varð í 7. sæti og Adam Schenk, sem varð í 6. sæti.

Í dag verður kynntur sá sem var í 5. sæti á Web.com Tour Finals, en það er Cameron Davis, sem vann sér inn 126,675 dollara á Web.com Finals.

Cameron Davis fæddist í Sydney, Ástralíu, 21. febrúar 1995 og er því 24 ára.

Davis er fremur hávaxinn eða 1,9 m á hæð.

Hann átti farsælan áhugamannsferil, þar sem hann sigraði m.a. á Australian Amateur 2015 og varð í 2. sæti í Asia-Pacific Amateur Championship, á eftir Jin Cheng, sama ár. Árið á eftir (2016) sigraði Cameron Davis bæði einstaklings- og liðakeppni í Eisenhower Trophy.

Seint á árinu 2016 gerðist Davis atvinnumaður í golfi.

Fyrsti sigurinn sem atvinnumaður kom 2017 á heimavelli þ.e. Emirates Australian Open. Þar átti Cameron Davis 1 högg á þá Jonas Blixt og Matt Jones.  Næstum því upp á dag fyrir ári síðan (2018) sigraði Davis síðan á 1. móti sínu á Web.com Tour þ.e. Nashville Golf Open, þann 27. maí 2018.

Besti árangur Davis í risamótum er T-39 árangur á Opna breska, 2018.