Árið gert upp – Helstu erlendu golffréttir júní 2018

Þann 1. júní 2018 var frétt þess efnis á Golf 1 að Tiger hefði í fréttatilkynningu þurft að bera til baka orðróm þar um að bakmeiðsli hans væru að taka sig upp. Sama dag var frétt á Golf 1 um að félagsmiðadrottningin Paige Spiranac hefði látið framleiða grip, en ágóðinn færi í baráttu gegn einelti.

Það var danski kylfingurinn Thorbjörn Olesen, sem bar sigur úr býtum á Opna ítalska á Evróputúrnum, móti sem fram fór 31. maí – 3. júní 2018.

Það var Bryson DeChambeau sem stóð uppi sem sigurvegari á PGA Tour mótinu the Memorial Tournament presented by Nationwide, sem fram fór venju skv. í Muirfield Village GC,  Dublin,  Ohio. Að þessu sinni fór mótið fram 31. maí – 3. júní 2018.

Dustin Johnson sigraði á FedEx St. Jude Classic, sem fram fórá TPC Southwind, Memphis, Tennessee, dagana 7.-10. júní 2018.

Það var Portúgalinn Pedro Figureiredo, sem stóð uppi sem sigurvegari á móti vikunnar á Áskorendamótaröðinni, KPMG Trophy, en mótið fór fram dagana 7.-10. júní 2018 á L´Empereur GC&C í Ways, í Genappe, Belgíu. Axel Bóasson, GK tók þátt í mótinu en komst ekki gegnum niðurskurð.

Finninn Mikko Korhonen, sigraði á móti vikunnar á Evróputúrnum, dagana 7.-10. júní 2018 á Shot Clock Masters.

Þann 8. júní trúlofaðist bandaríski kylfingurinn Rickie Fowler kærustu sinni, stangarstökkvaranum og fitness módelinu Allison Stokke.

Þann 8.-10 júní 2018 fór fram Shoprite Classic mótið á LPGA mótaröðinni. Ólafía Þórunn „okkar” var ekki á meðal keppanda og sú sem sigraði var bandaríski kylfingurinn Annie Park á samtals 16 undir pari.

Þann 9. júní var söguleg frétt á Golf 1 þess efnis að Charley Hull hefði verið valin fyrsti kvenkylfingurinn til að eiga högg mánaðarins á Evróputúrnum!!!

So Yeon Ryu, frá S-Kóreu sigraði á Meijer LPGA Classic for Simply Give LPGA mótinu, sem fram fór í Grand Rapids, Michigan, dagana 13.-16. júní 2018. Ólafía Þórunn „okkar” Kristinsdóttir tók þátt og kláraði T-58, hlaut tékka upp á $5,094.

Dagana 14.-17. júní fór fram 2. rismót ársins hjá körlunum, Opna bandaríska á Shinnecock Hills GC,  í Southampton,  NY. Það var Brooks Koepka sem tókst að verja titil sinn frá því árinu áður.

Þann 20.-23. júní 2018 fór fram KPMG Women’s PGA Championship risamótið. Sigurvegari á því varð Sung Hyun Park frá S-Kóreu. Ólafía Þórunn tók þátt en komst ekki í gegnum niðurskurð.

Matt Wallace sigraði á móti vikunnar á Evróputúrnum, 21.-24. júní 2018, sem var BMW International.

Þann 21.—24. júní fór fram Travelers Championship á TPC River Highlands,  Cromwell,  Conneticut og það var Bubba Watson, sem stóð uppi sem sigurvegari.

Þau Billy Andrade,  Keegan Bradley og  Brooke Henderson sigruðu á CVS Health Charity Classic góðgerðarmótinu, sem fram fór í Rhode Island CC,  Barrington,  Rhode Island, þann 25. júní.

Það var japanski kylfingurinn Nasa Hataoka, sem sigraði á Walmart NW Arkansas Championship Presented by P&G í Rogers, Arkansas, LPGA móti sem fram fór dagana 25.-30. júní 2018. Ólafía Þórunn tók þátt en náði ekki gegnum niðurskurð – byrjaði vel en átt slakan 2. hring (69 73) munaði 2 höggum að hún kæmist í gegn.

Það var Alexander Norén frá Svíþjóð sem stóð uppi sem sigurvegari í HNA Open de France, sem fram fór dagana 28. júní – 1. júlí 2018.

Loks sigraði Francesco Molinari á PGA Tour mótinu Quicken Loans National, sem fram fór á
TPC Potomac at Avenel Farm,  Potomac,  MD, dagana 28. júní – 1. júlí 2018.